★ Staice Liu / Paradise Garden ★: 「L」點的甜美。❤。「G」點的誘惑

2012年5月6日星期日

「L」點的甜美。❤。「G」點的誘惑

「L」For 「Le Valley Francais」~ 黎自快活谷的「星級甜品屋」派對~~~

超~~~~~~~ 開心的！
睇相引誘下你哋先~~~

咁鬼靚、咁鬼吸收人0既法式甜品！黎自甜品達人 Tony Wong 的傑出魔法手！~
甜品，一向係女仕們0既至愛！
而法式甜品，出名以精緻美味見稱！~

賽馬會的Le Valley Francais派對，特地邀請了甜品大師Tony Wong (黃耀文)為這個派對設計四款精緻的限定「星級法式甜品屋」~ 甜品大師還抵死地設計出貼近馬會主題的法式甜品呢~~~

甜品大師黃耀文Tony Wong擁有37年的入廚經驗！但卻保養得宜！~ 對於製作甜品一向力求完美及一絲不苟！今次所設計的甜品，全都係30多元。而派對中的其他法式美食都係40至80多元，很抵食！~

提一提大家，得5月2日及5月9日兩人舉行咋~ ^^

席上，甜品大師還即席為我哋示範製作：Raspberry Mille Feuille 紅桑莓千層酥 (HK$30)

甜品大師Tony Wong將千層酥餅上唧上特製的忌廉。

然後，舖上五粒紅桑莓。
大師教落，可以用上其他帶酸的生果呢~~

然後，係上面再唧多層忌廉。蓋上千層酥。

係千層酥上，再唧上忌廉，插上酥網。
最後撒上糖霜。

大師仲教落，我哋要食呢個紅桑莓千層酥可以先食酥網，然後再食第一層的千層酥連忌廉。咁就可以食到傳統無生果的拿破崙餅。最後食上千層酥連紅桑莓的底層。這是新式有生果的拿破崙食法！~

這個紅桑莓千層酥特別在可以一次享受多種食法！當然，最愛係連埋紅桑莓食的底層！既有紅桑莓的微酸及微甜，再中和返忌廉的甜味。加上鬆化的千層酥。一啖就有多重口感，好正！~

再黎個法式「巴黎圈」！~

呢個Paris Brest 巴黎圈 (HK$30) 好好味！鬆鬆軟軟的外層加有果仁的忌廉，唔會太甜呢~

我另一最愛！~
Chocolate Macaroon with Morello Cherry 朱古力杏仁脆餅 (HK$30)

大家都知道，Macaroon好多時都好甜。就算想食多兩個，都因為太甜而食唔到！
但係Tony Wong改良咗0既Macaroon，係無咁甜，中間0既醬，用上酸酸甜甜0既Cherry，中和返，好好味~~

而四款甜品中，最酸0既就係呢個Lemon Tart 檸檬撻 (HK$30)

佢成個蛋撻咁，你會俾佢呃咗。其實佢一啲都唔甜，俾佢呃咗0既話，就會被估唔到0既酸嚇了一跳呢~~

Staice 係好鐘意食酸嘢0既，所以好鐘意咁酸0既檸檬撻！~

除咗甜點，咸點都好出色！~

呢個Cheese Platter with Dry Fruit & Nut 芝士果仁及乾果併 (HK$55) 都好好食！~
個人比較喜歡軟身個款芝士。

另外，個Escargots de Bourgogne 法式田螺 (HK$40)做得細細粒。一啖一舊，好可愛。

Vol au vent with Goose法式剪鵝肝黑松露酥盒 (HK$68)

平時唔太食鵝肝0既我，都食咗兩舊！喜歡佢細細舊薄薄的，唔會好油、唔會好滯！好好食~~

Oven Roasted Coquelet with Saute Vegetable Melody & Black Truffle Sauce
烤焗法國春雞配飛碟瓜，甘筍仔，露筍及黑松露汁 (HK$88)

喜歡將烤焗的法國春雞切到細細的。一口一件。而雞不會因烤焗變得鞋身，都好入味下！~