臨近聖誕，飯局也特別多！
食悶了日本嘢、放題，這次轉陣去食泰國嘢。
與一班朋友，一圍十幾人，食豪多少少都唔怕！
今次就揀咗位於尖沙咀的「泰園」，試新嘢！
呢度還是新開，所以暫時人流算少！
發現新式泰國餐廳，很多時都有個海鮮BAR。
是新的趨勢了嗎？？
黎食泰國菜，絕對要食的是泰式生蝦刺身！
這一碟，單看晶瑩色澤，就知新鮮了！
再黎前菜，泰式酸辣鳳爪。
以為日本嘢先會有得食活魚刺身。
想不到黎到泰國餐廳，都有活魚刺身食！
我以為自己去錯了餐廳呢！XD
這一條是「活立魚刺身」。刺身色澤晶瑩，刀工很好，呈現半透明狀。
沾上紅色的秘製辣椒醬，令原本比較清淡的活立魚刺身變得惹味了。
WOW～ 除了活立魚刺身，仲有聖子及帶子刺身。
白雪雪十分肥美呢～～
厚切帶子，食落口無雪味。
跟活立魚刺身一樣，是點上紅色的辣椒醬。
聖子刺身，很爽彈牙。
點上綠色的辣椒秘製醬汁。
比紅色的，無咁辣，會酸多少少。
辣而帶出了帶子的鮮味！
冬蔭公海鮮湯，大大一煲，都可以分到六七位朋友的份量。
這家的冬蔭公海鮮湯，用料比一般的多。
除了有大蝦，還有魷魚、青口等等。
而且酸辣度適中，也不會過份油。
泰式海南雞飯
有趣的是，黃油飯被搓成小波狀。
一啖一口，點專食泰式海南雞的醬或咖哩都十分適合。
女孩子食，就更可以斯文啲啦～～
這個泰式海南雞，好有雞味，而且 肉夠滑身。
就算胸位也不會很鞋，很好食！
咖哩炒大頭蝦
這裡的咖哩，會比較甜一點，適合香港人的口味。
咖哩汁也會偏稀一點。
這大頭蝦肉質結實，就算有咖哩也食得出其鮮味！
中途食返個馬拉盞炒通菜，清一清味蕾，再戰過！
這一碟，一上枱就十級地香了！
惹味非常的香氣！
食落口，反倒不會很辣，我想辣一點，會更惹味吧？！
配上啖啖肉的大頭蝦，很好食！
還可以配上足料的蒜蓉法包。
烘得夠晒脆同香口。
泰式生醃蟹
食過一次韓國的醬油蟹就已經念念不望！
見到有個泰式，感覺像是醬油蟹的變奏，所以一 定要叫！
雖然有辣椒汁，但真係唔使點都夠晒味！
每一次，這味「泰式生醃蟹」是至少兩日前生醃製。
所以，要食這一道 最少兩日前預訂。即訂即整架！
以為白雪雪的肉，有點黐口。就當作無味？
原來大錯特錯了！
已經避開了食上辣椒籽，但肉內早已吸透醃了兩天的蒜香辣汁。
食過一舊，麻上了好幾分鐘！
但辣得過癮之餘，蟹鮮也出！
食不慣的人可能第一口會覺得醒。
但當辣汁到脷，就會很過癮地停唔到口食！
膏！也絕對是重點，唔好錯過！
泰式咖哩炒蟹，我覺得比炒蝦更好食！
蟹肉夠晒鮮及彈牙。啖啖肉，很是滿足！
蟹香跟咖哩很夾，很好食！
最後食上甜品，芒果糯米飯作結。
大大大滿足！
食得咁豪，幾乎全海鮮，都係圍返一人三百幾蚊，好抵食！
請Like 我的Fans Page，可以有更多互動有趣的分享哦~~
Staice Blog 頻道：
Blogspot 。. ﾟ★ WeShare.hk 。. ﾟ★ Beauty Life 。. ﾟ★
The Ztyle 。. ﾟ★ Wretch 。. ﾟ★ Beauty Exchange 。. ﾟ★ She Blog。. ﾟ★
The Ztyle 。. ﾟ★ Wretch 。. ﾟ★ Beauty Exchange 。. ﾟ★ She Blog。. ﾟ★
Lady Qooza 。. ﾟ★ Fashion and Beauty 。. ﾟ★ Elle Blog 。. ﾟ★ U Beauty。. ﾟ★
StyleUp 。. ﾟ★ SheWin 。. ﾟ★ Glamabog 。. ﾟ★ Qooza Beauty 。. ﾟ★ 88DB 。. ﾟ★
How to Find Staice：
Email: staice_liu@yahoo.com.hk
Weibo: http://weibo.com/staice
沒有留言:
張貼留言