如果黎黎去去，打邊爐都係麻辣、沙嗲或者清湯，你又會唔會覺得悶？我係一個鐘意打邊爐的人！所以，耐唔時會想去試新嘢！係得觀塘做嘢，就發掘到呢一間，杏花樓集團旗下的杏花火鍋！
呢度啲湯底，以滋補作主打！所以過黎試一試！
食之前，自己可以調好自己的醬汁！用作點火鍋料之用！
除了湯底特別，飲品都很特別！分別係「羅漢果無花果茶」以及「紫貝天葵」飲品。
係個湯底未滾起之前，先黎食個日式刺身拼盆！呢個拼盆款式好多，分別有：大蝦、三文魚、帶子、蟹柳及玉子等等！
特別一讚是魷魚的做法是夾住一塊薄荷葉，入面有啲魚子。咬落去0既時候會魚子爆開，薄荷葉的清香，令個魷魚變得特別有咬口！
呢度0既湯底，分有三種：「杏汁白肺鍋」、「胡椒豬肚雞鍋」、「濃湯魚翅雞煲」。每款湯底都是上枱時先飲頭啖湯，再加高湯先會用作打邊爐。
我們點了個胡椒豬肚雞鍋！大家不要小看這個鍋，胡椒味很濃但不會很辣。而個豬肚係入面包住咗啲嘢！
滾起的時候，職員會幫忙。剪開個豬肚，入面包住了一隻雞！個雞還十分香的胡椒味，而且雞肉十分滑溜呢！
另一個湯，我們試了濃湯魚翅雞煲。睇下啲翅0既份量都唔少架！
高湯香濃而不會有油脂。飲落口很順，很好味。
本地手切肥牛
呢度0既本地手切肥牛，牛味很濃，而且切得片片均勻。牛肉在滾過之後也不會熟透不勻。喜歡食這個，多過肥牛片呢~~
即炸魚腐大皇
這是必食之選！上枱時是熱辣辣仲咋咋聲架！個炸魚腐入面還很嫩滑添~
牛之天地雜錦拼盆
呢個係牛的多個部位拼盤黎。包括了安格斯肥牛、牛柳粒、牛展、牛胸爽、牛坑腩、黑柏葉。呢一盤，我最喜歡的是牛坑腩、以及安格斯肥牛。個牛坑腩很爽口，而且牛味特濃。
杏花四式滑，有牛滑、蝦滑、魚滑、黑魚滑，份量都唔細架！
鮮脆鯇片及新鮮白鱔片，夠新鮮先至爽口好味！
甜品係薑茶西米皮湯圓！個西米皮好得意，煙煙韌韌咁一定要試啊！
請Like 我的Fans Page，可以有更多互動有趣的分享哦~~
Staice Blog 頻道：
Blogspot 。. ﾟ★ WeShare.hk 。. ﾟ★ Beauty Life 。. ﾟ★
The Ztyle 。. ﾟ★ Wretch 。. ﾟ★ Beauty Exchange 。. ﾟ★ She Blog。. ﾟ★
The Ztyle 。. ﾟ★ Wretch 。. ﾟ★ Beauty Exchange 。. ﾟ★ She Blog。. ﾟ★
How to Find Staice：
Email: staice_liu@yahoo.com.hk
沒有留言:
張貼留言