Miss Tiara 專欄：
韓式美食店，越開越多！呢一間119 Plus 就好有特式！用上好多路標、街道擺設做主題。很可愛同時又好特別！！
這裡的菜式數十元至百多元就有一款，其實價錢很相宜~~
前菜，就係泡菜魷魚。呢款唔算話太辣！魷魚都幾爽口。食嫌咗淨泡菜，可以試下食呢款，都唔錯丫~~
特式飲品方面，可以揀有酒精的或是無酒精的。我就揀咗無酒精飲品，可以配答數款口味的飲品。我就揀咗菠蘿味~~
一路飲一路溝個汽水入去杯特飲度，好特別啊~ 如果唔要汽水，可以溝啤酒或者米酒都得架！
燒牛肋骨包菜
唔好以為細細間的舖就無得食牛肋骨，呢度都有提供，仲係佢哋幫你燒好。仲附有新鮮生菜包。
雖然，就有少少燒過火咗啲啲，但個味都幾入味。牛味都唔錯，可以一試。
甜筒炸雞，好可愛的造型！底層是蕃薯溶，上面舖滿了新鮮炸起的炸雞。仲有厚厚的CREAM。隔離有一樽芝士俾你點添~~
個人黎講，就喜歡食乜都唔點0既炸雞。食佢原汁原味~~ 雞不會炸得很乾，雞肉都仲有肉汁，感覺不錯。而且炸粉也不算厚。
仲可以點醬食，就會甜少少，無咁油。
大鐵揼海鮮意大利飯~~ 呢個飯十分有趣，外層是一大塊的酥皮，食前是要用上這個大鐵錘卜爛個皮先架~~
然後再溝勻個飯。意大利飯夠晒香濃，飯粒的軟硬度適中。而多款的海鮮包括了大蝦、青口魷魚、魚肉等等。百多元但用料很足。三個人食唔晒，份量大，女仔可以四人SHARE呢個都OK~
119 Plus
上環皇后大道中181號新紀元廣場2樓201
請Like 我的Fans Page，可以有更多互動有趣的分享哦~~
沒有留言:
張貼留言