日本菜，食悶咗黎黎去去都係壽司、天婦羅？原來日本菜都可以好有特式～～
走咗去美麗華，試咗新的Wakayama Sushi ＆Bar和歌山。感覺似日式居酒屋的設計～～
呢度，有酒飲架，所以嘢食的款式，都唔係一般日本料理咁。
前菜，係「韓式辣醬豬肉沙律」HK$98，用上韓式辣醬醃制去整的豬肉，配上豆腐及沙律菜。少辣，但配上沙律食，很開胃。
前菜仲有這個煙燻三文魚作前菜。擺盤賣相是一流的！
個汁微酸而且開胃，三文魚新鮮滑溜，外層微煙過，加埋魚子的甘香，很不錯！
食刺身，未見過有擺盤咁靚呢？餐廳會因應時令食材萌為大家造這個刺身盤的。由頂層起分別是：吞拿魚、油甘魚、三文魚、黃鯛、甜蝦、赤羽太、帶子。
值得一讚的，是吞拿魚，以及油甘魚，食材很新鮮，而且不會食得到的鮮味。再者，帶子都是好好味的！令人食唔停！
甜蝦，都幾大隻，新鮮而不會有黏黏及苦的感覺。
食完刺身，要飲返個茶碗湯！
海鮮茶碗湯HK$98
個湯用上蝦、蜆、元貝、昆布及魚片去製成，所以鮮味無比！就咁倒出黎係子杯就可以飲了！
燒吞拿魚鮫 HK$498
平日土戈木食開，只係三魚文鮫，未試過原來吞拿魚鮫係手臂咁大隻！仲配埋辣椒蘿蔔蓉以及蔥花、柚子酸汁俾你點黎食。
外層香口，微脆，不會有很油的感覺。配上酸汁，中和了油脂味，食起上黎更為開胃。切開後，魚肉很厚，啖啖肉，但唔會有魚腥味。而且很嫩滑。好味呢～～
天婦羅沙追魚 HK$138
天婦羅食黎食去，都係蝦、南瓜、蕃薯等等。沙追魚今次都係第一次試！粉醬好薄，食起上黎不會有厚厚的粉，新鮮炸起，所以很新鮮好味！熱辣辣的！可以點配天婦羅汁或是海鹽黎食。
紫蘇葉炸帶子
用上紫蘇葉包著帶子去炸的天婦羅食法。賣相就是一流！！
除了有帶子，仲有少少的蝦肉係入面，食起上黎更鮮，而且更有咬口！
吞拿魚他他燒芝麻醬壽司 HK$48 ／ 件
在半熟的吞拿魚上食得到燒烤的香口，加上芝麻醬更是別有風味
甜蝦山葵醬油漬壽司 HK$38 ／ 件
於甜蝦上加了山葵醬油漬，食起黎微辣，但很過癮！新鮮的甜蝦，食起上黎特別甜美！！
唔想食啲咁悶的日本料理，不妨黎「和歌山」試一試，日本空運到港食材，很不一樣！
Wakayama Sushi ＆ Bar
和歌山
尖沙咀彌敦道132號美麗華商場食四方4樓4G號舖
請Like 我的Fans Page，可以有更多互動有趣的分享哦~~
沒有留言:
張貼留言