而家啲燒燒放題，成行成巿都係！想要搞間有質素既，都真係唔係咁易！想不到，朋友介紹呢間又唔錯！
銅鑼灣地段，易搵同就腳！而且有分Bar枱同埋大枱同四人枱。
每區仲有主題！另一邊廂是美戰添啊～～
抽煙系統做得唔錯！我哋六人黎食，坐張大枱！！用上Pad落Order，電子化，唔會咁浪費紙張。
仲有玫瑰海鹽及胡椒作調味。照顧周到！
先黎食返個海鮮刺身拼盤。種類好多！
分別有肥美的三文魚、清甜的甜蝦、爽口的螺片、北寄貝、帶子及希靈魚等等！！
肉類方面，主要是任食的各款肉類。都有少數係付款較貴的肉類或海鮮。多數是無調過味的，食它的原汁原味及新鮮。也有少量是調過味的。EG. 韓式豬腩肉。
十分欣賞牛類的肉類！牛味重，而可供選擇的部位都好多！牛肋骨絕對是必食之選！仲有牛柳粒等等！
醃製過的雞翼，十分入味，而且食唔停口！
六個人，兩個爐，可以分頭燒，食都食得快啲，可以食多啲。圖中，左上是牛柳片，肉嫩多汁。右上是腩肉，肥瘦適中，入口即溶！
睇下，個牛肋骨幾咁嫩滑！而且牛味濃郁！牛舌，同樣厚度適中，食起上黎剛好，又易燒熟呢～～
除咗肉類，仲有海鮮！有酒煮的鮑魚、蜆可供選擇。成個鍚盤放上去燒，滾咗就可以食了！！
這是加錢付費的龍尾蝦。起大隻，每隻都有牛油，燒起上黎更加香！！
手掌咁大隻，啖啖肉，而且蝦味好鮮甜！有著炭火的燒香，食起上黎特別有風味！！
海鮮另一推介，係特大大帶子！新鮮多汁！而且Size好大，食起上黎過足口癮！
生蠔！呢度係連生蠔都有得燒！少有地可以有蠔燒的哦～～ 仲要隻隻都好大隻，好抵食吧？！
放題一位都係幾百一位，好抵。嘢飲都係任飲架～～
甜品款式都好多！仲要有貴價雪糕Movenpick俾你食～～～
尚鮮日式燒肉漁市場 Sashi Japanese Yakiniku Restaurant
銅鑼灣謝斐道496號金利文廣場3樓
請Like 我的Fans Page，可以有更多互動有趣的分享哦~~
Staice Blog 頻道：
Blogspot 。. ﾟ★ WeShare.hk 。. ﾟ★ Beauty Life 。. ﾟ★
The Ztyle 。. ﾟ★ Wretch 。. ﾟ★ Beauty Exchange 。. ﾟ★ She Blog。. ﾟ★
The Ztyle 。. ﾟ★ Wretch 。. ﾟ★ Beauty Exchange 。. ﾟ★ She Blog。. ﾟ★
How to Find Staice：
Email: staice_liu@yahoo.com.hk
Weibo: http://weibo.com/staice
沒有留言:
張貼留言