雖然，Macau同香港，只是一海之隔。但當中的特式美食、多國餐廳、地道小食，與香港這個美食天堂相比。澳門可以說是別樹一格！想要享受一個簡短美食之旅，絕對是非澳門不可！
黎澳門，豬扒包、葡撻當然少不了！平時我最愛食的，可說是氹仔這一間！可堂食，也可以拎走。
這裡除了葡撻之外，仲有燕窩撻都好出名。所以買晒兩款～～
燕窩撻相對比較清，用的是蛋白去做，食得到有啖啖的燕窩係入面。滋補得黎，更是清淡好味之選～～
葡撻，夠香口，夠濃郁。而且層層的酥皮撻，夠晒香口，而且不會太甜。
而另一名物，可以說是豬扒包。但可以說要等一等，因為個豬扒可是要即叫即整，醃咗成日，夠晒入味而且軟腍。個包外脆內軟，不錯的啊～～
新好利美食餅店
氹仔舊城區地堡街13-14號
同一條街，仲有新店開！呢間雖是餅店，但係，專登去試的，反倒是個北海道牛乳雪糕～～
西式餅店，賣特式餅，包裝都好靚呢～
用上北海道3.6牛乳，奶味十分濃郁，而且甜度適中。但就易容少少，如果再杰身啲就更加好添～～
三十幾蚊澳紙，好大的一杯，如果兩個人食都可以。值得一試呢～～
Pastry Snaffle’s
氹仔舊城區水鴨街15號喜來登廣場地下C座
另一間的Cafe，係比較遠的地方，而且，很難搵！個招牌勁細！大家要落足眼力先搵得到。
Kafka呢間，係賣輕食、意飯、Coffee同糕點。環境係幾靚，而且都算坐得舒服。但Cake就幾貴，幾十蚊一件。
Cake都算靚，款式都有好幾款。呢度係我哋叫的其中幾款～～
Cake的口味也是很不錯的，不過有啲都幾甜。但價值上，就唔係咁值呢個價位。
除咗咖啡，仲有特式飲品，也是幾十蚊一杯，略貴。但係都幾好飲。
想要舒舒服服Hea時間坐，都是不算的選擇。
而飲品的外觀都幾靚，影相呃Like也是不錯～
而呢個推介的雞蛋布丁，不值一試。以為是蛋丁質地，想不到個底是雞蛋糕。雖然賣相係幾靚嘅～～
如果喜歡Cafe的朋友，可以一試～～
KAFKA
馬場氹仔布拉格街152號(廣東大馬路悅景峰左側）
老飯店，要提一提誠昌，出名的，是這個水蟹粥。成隻蟹放埋落去，算是夠份量了吧？誠昌有不少人說比以前差了，但仍有澳門舊店的味道。水蟹粥係水咗少少，但蟹的份量無變。
而佢嘅炸魷魚蘇，真係超大條。條條粗過我手指。而且新鮮炸起，唔會淋晒，夠晒新鮮熱辣！
誠昌飯店
氹仔舊城區官也街28-30號
極力推介，有這一間餐廳！同時氹仔，十分易搵～～
這個蕃茄沙律，超有誠意，好大一碟！蕃茄多到爆呢～～
厚切，而且新鮮到爆，塊塊都好好食。除此之外，仲有青瓜片等，個汁仲要另上，方便大家自己加適當的醬汁。
炸馬介休球，粒粒都炸得香脆可口。而且加上了薯溶，葡國風味十足。
白酒煮蜆，是極力推薦之一！個蜆粒粒飽滿大粒，而且個白酒汁超好味的說！不會太咸，酒味適中，配上新鮮蜆一同食，食過不停！
招牌菜是這個葡式乳豬飯，也是必食之選。
個飯用上葡式醬汁炒，有著葡式風味。個乳豬外皮金黃香脆，太過好食了。個乳豬肉質，夠晒嫩滑，雖然有啲肥膏位，但正是入口即溶的感覺。
整餐落黎，四個人都係每人二百幾，十分抵食呢～～
波爾圖
氹仔舊城區地堡街泉福新村第1期第4座嘉開閣地下
請Like 我的Fans Page，可以有更多互動有趣的分享哦~~
Staice Blog 頻道：
Blogspot 。. ﾟ★ WeShare.hk 。. ﾟ★ Beauty Life 。. ﾟ★
The Ztyle 。. ﾟ★ Wretch 。. ﾟ★ Beauty Exchange 。. ﾟ★ She Blog。. ﾟ★
The Ztyle 。. ﾟ★ Wretch 。. ﾟ★ Beauty Exchange 。. ﾟ★ She Blog。. ﾟ★
How to Find Staice：
Email: staice_liu@yahoo.com.hk
Weibo: http://weibo.com/staice
沒有留言:
張貼留言