再黎嘆。.* 泰海鮮

跟住老公同佢啲朋友入黎泰海鮮食飯，當然就豪食啦～～

一黎就先嘆象拔蚌刺身。呢度一斤三両。我哋再加個湯底，一蚌兩食。咁樣都只不過係HK$144，好鬼抵！

刺身爽口彈牙，而且鮮甜十足！新鮮的象拔蚌，就咁刺身食，真係好好味！

砵酒焗桶蠔，呢度只係HK$124，有成兩細桶的蠔哦。一上枱十分香濃，有著砵酒的酒香，而且啊，個桶蠔十分的肥美。

一口咬下去，蠔味濃郁，而且加上了砵酒的酒香，很是惹味。

油鹽水貴妃蚌，HK$130，呢度有成斤幾，是我很喜歡的一款菜。新鮮的蚌類，其實無需多作調味，油鹽水清清地，也剛好可以帶出貴妃蚌的鮮味，而且不失口感。肥美的貴妃蚌，一口咬下去，肉質夠晒厚呢。

青山灣焗芝士龍蝦，HK$228。四隻大大隻的龍蝦，開邊焗芝士也是份量十足哦。芝士十分香濃，而且啊，不會有「漏」既感覺。以為龍蝦芝士焗後食唔到鮮味？其實這邊做得很好，鮮味保留之餘，還有香濃的芝士味。龍蝦肉夠晒肥美了呢～～

蒜蓉粉絲蒸扇貝，HK$120。十分的肥美大隻，大得誇張嚇人了呢！

大過我的手掌，肥美得差點夾不起了呢。而且啊，有一節手指咁厚的扇目肉，很誇張了哦～ 每次黎這裡食，也覺得食這一碟是超抵的！

泰海鮮
屯門三聖街6號三聖商場地下5-9及14-16舖




更多互動資訊：
http://www.facebook.com/StaiceLiu